CANNOLI SICILIANI-ეს კი სიცილიური კანოლებია.ყველაზე გემრიელი ნამცხვარი,რაც კი გამისინჯავს.მომზადება ძალიან მარტივია და გირჩევთ აუცილებლად სცადოთ...

ინგრედიენტები ცომისთვის:
500გრ ფქვილი
100გრ შაქარი
60გრ ქონი
1 კვერცხი
ვანილი
მარილი
1/2 ჩ/კ დარიჩინი
160მლ ტკბილი შავი ღვინო
ცილინდრები ცომის გადასახვევად

გულსართი:
 500გრ ხაჭო
200გრ შაქარი
100გრ შოკოლადის გრანულები
პისტაკი
ფორთოხლის ცედრა


მომზადება:

თასში ჩავყაროთ ფქვილი,დავამატოთ შაქარი,ქონი,კვერცხი,ვანილი,მარილი,დარიჩინი და ღვინო.ეს ყველა ინგრედიენტი კარგად მოვზილოთ.უნდა მივიღოთ ელასტიური ცომი.მიეცით ფორმა,შეახვიეთ ცელოფანში და მოათავსეთ მაცივარში 1 საათით.
ამასობაში მოამზადეთ გული
გათქვიფეთ კარგად ხაჭო,დაამატეთ შაქარი და შოკოლადის გრანულები და ხის კოვზით აურიეთ.მოათავსეთ მაცივარში 1 საათი.
ცომი გააბრტყელეთ,დაახ.3მმ სისქის,ამოჭერით დიდი ზომის ჭიქის პირით და დაახვიეთ  ცილინდრზე.პირი სადაც იკვრება ,წყლით დაუნამეთ.
ჩაასხით ზეთი ტაფაში და შეწვით შიგნით,სანამ კარგად არ დაწითლდებიან.გადმოიღეთ სამზარეულს ქაღალდზე და გააცივეთ...ჩატენეთ ტომარაში კრემი და კარგად გამოტენეთ კანოლები...
დააბლენდერეთ პისტაკი და კრემიანი ნაწილები ამოავლეთ  შიგ.
დამიჯერეთ ეს გემო არასდროს დაგავიწყდებათ <3

crepes-მარტივი და სწრაფი.ალბათ ყველას გიყვართ ფრანგული კრეპები,ვანილის სეროფით.მოამზადეთ მარტივად და ყველანაირი ძალისხმევის გარეშე..

ინგრედიენტები:
200გრ ფქვილი
2 კვერცხი
400მლ რძე
მარილი

მომზადება:
გატეხეთ კვერცხი თასში,დაამატეთ მარილი და კარგად გათქვიფეთ.ნელა-ნელა დაამატეთ ფქვილი და რძე.კარგად აურიეთ ეს მასა ერთმანეთს,ცომს გადააკარით ცელოფანი და მოათავსეთ მაცივარში 1 სთ.
გააცხელეთ ტეფალის ტაფა და გამოაცხეთ  თხელი ფენები.
კრეპები შეგიძლიათ გამოიყენოთ როგორც ტკბილი შიგთავსით,ასევე მოუმზადოთ ხაჭოს შიგთავსი,ლორით და ბესამელით...
გემრიელად მიირთვით...

SPAGHETTI LIMONE E PISTACCHI-სპაგეტი ლიმნით და პისტაკით.ესეც ერთერთი საზაფხულო რეცეპტი.

ინგრედიენტები:

200გრ სპაგეტი (2 ულუფა)

50გრ პისტაკი 

1 ლიმონი

რამოდენიმე ისპანახის ფოთოლი

მარილი

პილპილი

მომზადება:

ქვაბში აადუღეთ წყალი,აურიეთ მარილი და მოხარშეთ სპაგეტი.მაკარონის მოხარშვისას,აუცილებლად დაინიშნეთ დრო,რაც შეფუთვაზეა მითითებული.კარგი სპაგეტი,აუცილებლად უმი უნდა იყოს.ანუ თუ მითითებულია 10წთ ხარშვა,თქვენ გააჩერეთ 8 წუთი,ანუ როგორც იტალიაში იტყვიან al dente...

ამასობაში გახეხეთ ლიმნის ცედრა,შემდეგ გაწურეთ ლიმონი.ღრმა ტაფაში ჩაასხით ზეთი,დაამატეთ პისტაკი,ლიმნის ცედრა და ლიმონი,ცოტაოდენი პილპილი და ისპანახი,დაბალ ცეცხლზე მოშუშეთ,შემდეგ კი დაამატეთ გადაწურული სპაგეტი..გააჩერეთ ტაფაში 2წთ,კარგად უნდა აურიოთ ინგრედიენტები.

გადაიტანეთ თეფშზე,დაამატეთ ცოტაოდენი ნედლი პისტაკი და 

                                                                                                                    გემრიელად მიირთვით...

LIMONCELLO-ეს კი იტალიაში ყველაზე ცნობილი სასმელია.მის არაჩვეულებრივ არომატს იყენებენ,როგორც ტკბილეულში ასევე როგორც გამაგრილებელი სასმელი..შეინახეთ საყინულეში და როდესაც ცხელი ზაფხული შემოგიტევთ გაგრილდით,ამ საუცხოო ლიმნის გემოთი.

ინგრედიენტები:
1 კგ ლიმონი
1კგ შაქარი
1ლ სპირტი

მომზადება:
კარგად გარეცხეთ ლიმონი და გაფრცქვენით ისე,რომ ლიმნის თეთრი მხარე არ აყვეს,ძალიან თხლად.მოათავსეთ მაღალ ბანკაში,დაახ.3ლ-იანი.დაასხით სპირტი,დახუფეთ კარგად და შეინახეთ ბნელ ადგილას 10 დღე.ხანდახან შეანჯღრიეთ ხოლმე.
10 დღეც გავიდა და დავასრულოთ ლიმონჩელოს მომზადება.
ჩავასხათ ქვაბში 1ლ წყალი,დავაყაროთ შაქარი და მოვადუღოთ 10წთ-ის განმავლობაში,შემდეგ კი გავაციოთ.
როდესაც სეროფი კარგად გაცივდება,ჩავამატოთ ლიმნიან სპირტში და კარგად  ამოვურიოთ.
ქვაბზე გადააკარით ჩაისტილო და ზედ გადაწურეთ წვენი,შემდეგ კი მოათავსეთ ბოთლებში.
სანამ გამოიყენებთ,ჯობს დაელოდოთ მინიმუმ 2 კვირა,რომ კარგად გაუჯდეს გემო.შემდეგ კი გამოყენებამდე 1სთ-ით ადრე მოათავსეთ საყინულეში...

ეს კი ლიმონჩელოს კრემია,რომელსაც როგორც მეგობრებს გარემოცვაში გამოცლით,ასევე შეგიძლიათ თქვენი ბისკვიტები დანამოთ.ან უბრალოდ მიაყოლოთ ბევრ ნამცხვარს.რეცეპტი მარტივია და დიდ დროს არ მოითხოვს.


ინგრედიენტები:
6 ლიმონი
250მლ სუფთა სპირტი
400გრ ნაღები
250მლ რძე
ვანილი
500გრ შაქარი

მომზადება:
გაფრცქვენით ლიმონი.ლიმნის კანი მოათავსეთ მაღალ ბანკაში,დაასხით სპირტი და დახუფეთ.შეინახეთ 10 დღე ბნელ ადგილას.
10 დღის შემდეგ გადაწურეთ წმინდა საწურზე,დიდ თასში.
ქვაბში ჩაასხით რძე და ნაღები,დაუმატეთ ვანილი და გადაწურული ლიმნის ქერქი.როცა ადუღდება,გადმოდგით ცეცხლიდან და აურიეთ შაქარი.ურიეთ სანამ სულ არ გადნება .გააცივეთ კარგად და გადაწურეთ იმ თასში,სადაც ლიმნიანი სპირტი გაქვთ.კარგად აურიეთ და მოათავსეთ ბოთლებში.
გირჩევთ მოხმარების წინ შეანჯღრიოთ ბოთლი...

შემოგრჩათ პური და არ იცით რა მოამზადოთ? ძალიან ბევრი რეცეპტი ვიცი პურის რეალიზებისთვის,ერთერთი კი პურის პოლპეტებია.მოამზადეთ როგორც ანტიპასტო ან თუნდაც მისაყოლებლად.შეგიძლიათ მოუმზადოთ პომიდვრის უბრალო სალსა და ჩააწყოთ შიგ.შვილების გულებს აუცილებლად მოიგებთ ამ უბრალო და მარტივი რეცეპტით.ახლა კი გადავინაცვლოთ სამზარეულოში

ინგრედიენტები:
500გრ პური
1ლ რძე
3 საშ.კვერცხი
1 კონა ოხრახუში
100გრ გახეხილი ყველი,უმჯობესია პარმეჯანო
მარილი გემოვნებით
პილპილი გემოვნებით

მომზადება:
დატეხეთ პური დიდ თასში და დაასხით რძე..გააჩერეთ სანამ არ დარბილდებიან,შემდეგ კი გადაწურეთ კარგად სხვა თასში.დააყარეთ პარმიჯანო,კვერცხი,წვრილად დაჭრილი ოხრახუში,მარილი,პილპილი.კარგად აურიეთ ერთმანეთს.გააკეთეთ კაკლის ზომის ბურთები და ამოავლეთ ან ფქვილში ან დაფხვნილ სუხარში.შეწვით ზეთში და პურის პოლპეტები მზადაა.თუ გსურთ მოუმზადეთ სალსა.
ჩაასხით პატარა ქვაბში ზეთი,ჩააგდეთ ნიორი.რომ დაწითლდება ამოიღეთ, ჩაასხით ტომატპასტა და ადუღეთ 10წთ .უყავით ცოტა მარილი და ბაზილიკო.პურის პოლპეტებს მოასხით ეს სალსა.
 მიირთვით გემრიელად <3

cocktail portafortuna-ბროწეულის კოქტეილი,სახელწოდებით '' მოაქვს იღბალი'' მარტივი და უგემრიელესი...

ინგრედიენტები:

2 ბროწეული
50გრ შაქრის პუდრი
1 ლიმონი
50მლ გაზიანი წყალი 

ცოტაოდენი შაქარი
ყინული
რამოდენიმე ბროწეულის მარცვალი



მომზადება:

გაფრცქვენით ლიმონი,გაასუფთავეთ ბროწეული და შაქრის პუდრასთან ერთად გათქვიფეთ ბლენდერში,გადაწურეთ ძალიან წმინდა ბადეზე.აიღეთ კოქტეილის ჭიქა,დაუსველეთ პირი და ამოავლეთ შაქარში ,ჩაყარეთ ყინული,რამოდენიმე ბროწეულის მარცვალი ჭიქაში და დაასხით წვენი...
მიირთვით გემრიელად...

COCKTAIL MIMOSA-იტალიაში ამ კოქტეილს ამზადებენ 8 მარტს.არის მარტივი და ძალიან გემრიელი...


ინგრედიენტები:
1 ანანასი
2 მანგო
2 ჯანჯაფილი
1 ლიმონი
პიტნა
ყინული
ქოქოსი

მომზადება:

გაფრცქვენით მანგო და დაჭერით ალყა-ალყა.გამოარჩიეთ ანანასი და ესეც ალყა-ალყა,გაფრცქვენით ჯანჯაფილი .ეს ხილი მოათავსეთ წვენსაწურში და გაწურეთ...
აიღეთ კოქტეილის ჭიქა,ლიმნის ნაჭრით დაასველეთ პირი და ამოავლეთ ქოქოსში.ჩაყარეთ ჭიქაში ყინულები და დაასხით წვენი...
უგემრიელესია...

TISANA
ბევრი მიირთვით? მუცლის შემობერვამ და სიმძიმემ თუ შეგაწუხათ,მოამზადეთ ეს არაჩვეულებრივი ნაყენი და შედეგს უმალ იგრძნობთ...

ინგრედიენტები:
ჯანჯაფილი
ლიმონი
თაფლი
პიტნის ფოთლები


მომზადება:

გაფრცქვენით ერთი პატარა ჯანჯაფილი,დაჭერით ალყა-ალყა,დაასხით 1ლ წყალი და მოადუღეთ.ამასობაში დაჭერით ალყა-ალყა ერთ ლიმონი და ერთი გაწურეთ.გაწურული ლიმნის წვენი და 2ს/კ თაფლი აურიეთ ჯანჯაფილს და გააცივეთ.ჩაყარეთ ყინულის კუბიკები სურაში,დაამატეთ ლიმნის ნაჭრეები და პიტნა,დაასხით ჯანჯაფილის წვენი და ტისანაც მზადაა...

PANINI BRETZEL-ეს პატარა გერმანული პურები,ძალიან დიდი პოპულარობით სარგებლობს ევროპაში.ადვილი მოსამზადებელი და უგემრიელესი.შემატეთ თქვენს სამზარეულოს პურის დიდი არჩევანი.პური ხომ ყველას ძალიან გვიყვარს...

ინგრედიენტები:
550გრ ფქვილი
10გრ მარილი
35გრ კარაქი
2ჩ/კ საფუარი
1ს/კ ალაოს სეროფი
300გრ წყალი

ზემოდან მოსაყრელად:
ყაყაჩოს თესლი
გოგრის თესლი
სეზამის თესლი

მომზადება:
ჩაყარეთ თასში ფქვილი,საფუარი და ალაოს სეროფი.კარგად აურიეთ ერთმანეთში.ნელა-ნელა შეურიეთ წყალი და მოზილეთ ცომი.ბოლოს კი მარილი და კარაქი.ზილეთ სანამ ცომი ელასტიური არ გახდება.მიეცით ფორმა,შეფუთეთ და დატოვეთ ასაფუებლად 2სთ.
ცომი მზადაა.გადაიტანეთ სამუშაო მაგიდაზე და დაჭერით დაახ.30გრ ზომის ნაჭრეები ,მიეცით ბურთის ფორმა და მოათავსეთ პერგამენტის ქაღალდზე ერთმანეთის მოშორებით,დატოვეთ 1სთ.
სანამ ცომი ფუვდება აადუღეთ 2ლ წყალი ქვაბში.აურიეთ 8ჩ/კ სოდა და 2ს/კ მარილი.ჩაყარეთ ცომები შიგ ცოტა-ცოტა.ამოყარეთ,როგორც კი სოდის ქაფს გაიკეთებენ ზემოდან.მოათავსეთ ისევ პერგამენტის ქაღალდზე და მოაყარეთ სხვადასხვა თესლები.გაჭერით თხელი დანით შუაში ორად..მოათავსეთ წინასწარ გაცხელებულ ღუმელში 180° ზე 25წთ ის განმავლობაში...
დამიჯერეთ ეს საუცხოო გემო არ დაგავიწყდებათ...

PESTO GENOVESE-ეს უგემრიელესი სოუსი,რომელიც ძალიან ბევრ თეფშს შესძენს გასაოცარ არომატს.
პესტოს მომზადება ძალიან მარტივია,ამისათვის დაგჭირდებათ ძველებური სანაყი,ან შეგიძლიათ მოათავსოთ ბლენდერში.
მე შემოგთავაზებთ კლასიკურ,ჯენოვურ რეცეპტს.

ინგრედიენტები:
100გრ ზეითუნის ზეთი
30გრ გახეხილი ცხვრის პარმიჯანო
80გრ პარმიჯანო
15გრ ფიჭვის კაკალი  ან 15გრ კაკალი
2 კბილი ნიორი,უკეთესია ახალი
მსხვილი მარილი
50გრ ბაზილიკოს ფოთლები

მომზადება:

ე.წ. როდინში ჩაყარეთ ნიორი და ცოტაოდენი მარილი და დაიწყეთ დანაყვა.როცა წვენს გაუშვებს დაამატეთ ცოტა-ცოტა ბაზიილიკო,როდესაც ბაზილიკოს სულ დანაყავთ,დაამატეთ ფიჭვის კაკალი,ან უბრალოდ კაკალი.კარგად დანაყეთ და ბოლოს ნელა-ნელა აურიეთ ზეთი და პარმეჯანო.პესტო მზადაა.მოათავსეთ მაცივარში და მოამზადეთ უგემრიელესი ჯენოვური მაკარონი,სპაგეტი,პესტოთი..
თუ არ გაქვთ როდინი,მაშინ ყველა ინგრედიენტი ჩაყარეთ ბლენდერში და კარგად გათქვიფეთ,.

Paccheri fritti-ესაა ერთერთი მაკარონის სახეობა,რომლითაც უგემრიელეს საჭმელებს ვამზადებ.ფორმა ტრუბა,საკმაოდ დიდი ზომისები.მინდა დღეს შემოგთავაზოთ ყველაზე მარტივი და ყველაზე გემრიელი რეცეპტი.უნაზესი ხაჭოს და პესტოს გემოთი...პესტოს მომზადება არაა რთული და მის რეცეპტს ნახავთ ჩემს ბლოგზე.

ინგრედიენტები:
250გრ პაკერი
400გრ მშრალი ხაჭო
100გრ პესტო
50გრ გახეხილი ყველი
პილპილი გემოვნებით

მომზადება:

თასში მოათვასეთ ინგრედიენტები შიგთავსისთვის.ხაჭო,გახეხილი ყველი,პესტო და პილპილი.კარგად აურიეთ.
აადუღეთ წყალი და მოხარშეთ პაკერი მარილიან წყალში.შეფუთვაზე მითითებულ დროზე 5წთ ადრე ამოყარეთ.არ უნდა იყოს მოხარშული.ამოწურეთ და გადაიტანეთ ცივ წყალში.როცა კარგად გაცივდებიან,გააშრეთ სამზარეულოს ქაღალდზე.გატენეთ მზა შიგთავსით ტორტის მოსართავი ტომარა,და გამოავსეთ პაკერები.გაამზადეთ ცოტაოდენი ფქვილი, გათქვეფილი კვერცხი და დაფხვნილი სუხარი.პირველად ფქვილში მერე კვერცხში და ბოლოს სუხარში ამოავლეთ კარგად და შეწვით ცხელ ზეთში.დაელოდეთ სანამ არ დაწითლდებიან.ამოყარეთ სამზარეულოს ქაღალდზე,რომ  ზედმეტი ზეთი დაკარგონ..

გემრიელად მიირთვით <3

panzerotti fritti-ყველაზე ცნობილი პანძეროტები...მოამზადეთ სხვადასხვა შიგთავსით,ეს იქნება ყველი,ლორი და პომიდორი თუ მხალეული...
ძალიან მარტივი და დამიჯერეთ,ბავშვების გულს უცებ მოიგებთ...

ინგრედიენტები ცომისთვის:
500გრ ფქვილი
250მლ წყალი
15გრ მარილი
1ჩ/კ შაქარი
2ჩ/კ საფუარი
2ს/კ ზეთი

შიგთავსი:
300გრ სულგუნი
300გრ ლორი
დაკუწული პომიდორი რამდენიც ეყოფა
ქონდარი

მომზადება:

წყალში გავხსნათ საფუარი.თასში ჩავყაროთ ფქვილი,დავამატოთ შაქარი,მარილი,ზეთი და დავასხათ წყალი.მოვზილოთ  ელასტიური ცომი.გააკეთეთ გუნდა და გადაიტანეთ მაგიდაზე.მოჭერით დაახ.80გრ ის ნაჭრეები,მიეცით ფორმა და დატოვეთ ასაფუებლად 2 სთ.
ჩაყარეთ თასში გახეხილი სულგუნი,წვრილად დაკუწული ლორი და დაკუწული პომიდორი,დაამატეთ ქონდარი და კარგად აურიეთ.
ცომი მზადაა გასაბრტყელებლად.გააკეთეთ თხელი ლავაშები,მოათავსეთ შიგთავსი და გადაკეცეთ ნახევარმთვარის ფორმაზე და ჩანგლით კარგად შეაერთეთ პირები.

ჩაასხით ქვაბში ზეთი და მანამ შეწვით სანამ არ დაწითლდებიან

ჩემი რჩევაა მიირთვათ ცხელი.
შეგიძლიათ გაუკეთოთ ყველის და ისპანახის შიგთავსი,ზეთით და ქონდარით..

გემრიელად მიირთვით \<3

 Dodayaki-ბავშვებისთვის ყველაზე საყვარელი ნამცხვარი,ცნობილი იაპონური მულტფილმის გმირისგან,კატა  რობოტისგან..

მომზადება ძალიან მარტივია.შეგიძლიათ მოამზადოთ სხვადასხვა შიგთავსით...იაპონიაში უკეთებენ,ტკბილი ლობიოს გულს,იტალიაში კი ნუტელათი.არჩევანი თქვენზეა,შეგიძლიათ გაუკეთოთ პავიდლოს შიგთავსიც..

ინგრედიენტები:

170გრ ფქვილი

3 საშუალო კვერცხი

80გრ შაქარის პუდრა

1ჩ/კ სოდა

1 ჩ/კ თაფლი

50მლ წყალი

მომზადება:

მოათავსეთ კვერცხი,შაქარის პუდრა,თაფლი და წყალი თასში და გათქვიფეთ.ვამატებთ ნელა-ნელა ფქვილს .სოდას ვურევთ ფქვილში.კარგად ვთქვეფავთ,სანამ ცომი არ გახდება ელასტიური...შეფუთეთ ცელოფანით და დატოვეთ 30წთ ოთახის ტემპერატურაზე.

წაუსვით კარაქი ცივ ტაფას,სამზარეულოს ქაღალდის დახმარებით,თხლად.გავაცხელოთ ტაფა და გამოვაცხოთ,ორ-ორი.როდესაც ზედა ფენა გაიკეთებს ბუშტუკებს,გადმოაბრუნეთ.დორაიაკების საიდუმლო იმაში მდგომარეობს,რომ უნდა იყოს მუქი ყავისფერი..

ესეც ჩვენი დორაიაკები...ახლა კი შეგიძლიათ გაჭრათ შუაზე,ან ორი ერთად  და გაუკეთოთ ნაირ-ნაირი შიგთავსი..

გემრიელად მიირთვით <3

Girelle pan mozzarella- ეს კი ფუმფულა პომიდვრიანი პურებია....მარტივი მოსამზადებელი ..შეგიძლიათ პომიდვრის გარდა აურიოთ სასურველი ინგრედიენტები,როგორიცაა: ლორი,მწვანილეული,მაიონეზი,სუნელები და ა.შ.

ინგრედიენტები:
400გრ ფქვილი
40გრ კარაქი
150გრ გახეხილი სულგუნი
1ს/კ შაქარი
1ს/კ საფუარი
200მლ თბილი რძე
1ჩ/კ მარილი
ხმელი ქონდარი
ტომატპასტა

მომზადება:

მოათავსეთ თასში ფქვილი,შაქარი და საფუარი,მოზილეთ ცომი თბილ რძეში.ვამატებთ გახეხილ ყველს,ცოტა მერე კარაქს და მარილს.მოზილეთ ელასტიური ცომი,მიეცით ფორმა,შეფუთეთ და დატოვეთ ასაფუებლად,სანამ არ გაორმაგდება.
გაფუებული ცომი გადმოიღეთ მაგიდაზე,გაყავით ორად და გააბრტყელეთ დაახ.2მმ 

წაუსვით ტომატპასტა,მოაყარეთ  ხმელი ქონდარი და თუ გნებავთ,სასურველი სხვა ინგრედიენტი,გადაახვიეთ,შეფუთეთ კარგად და დატოვეთ საყინულეში 1სთ.

გამოიღეთ ცომი და დაჭერით...მოათავსეთ პერგამენტის ქაღალდზე ფორმაში.დატოვეთ 1სთ გასაფუებლად.

გამოაცხეთ 200° 10წთ ან მანამ სანამ არ დაწითლდებიან კარგად...

ვუალაა...მზადაა სპირალები ...შეგიძლიათ თბილ-თბილი დააგემოვნოთ <3

Cruffin-ნახევრად კრუასანი და ნახევრად მაფინი...ვისაც გიყვართ ხრაშუნა ნამცხვრები..

ინგრედიენტები:

450გრ ფქვილი

75 გრამი მარგარინი დაჭრილი

250მლ თბილი წყალი

1ს/კ საფუარი

30გრ შაქარი

ცოტაოდენი მარილი

მომზადება:

მოვზილოთ ცომი...გავხსნათ წყალში საფუარი,ჩავყაროთ ფქვილი თასში,დავამატოთ შაქარი და ვზილოთ ნელა-ნელა წყალთან ერთად.შემდეგ ვამატებთ მარილს და დაჭრილ კარაქს.ვაგრძელებთ მუშაობას,სანამ ცომი ელასტიური არ გახდება.მიეცით ფორმა და დატოვეთ ერთი საათი ასაფუებლად...

ახლა კი მივყვეთ ინსტრუქციას...ცომი გადმოიღეთ მაგიდაზე ,გაყავით რვა ნაწილად,პიცის პრინციპით...თუ გაქვთ საბრტყელებელი,2მმ ზე გააბრყელებთ,თუ არადა ხელით.ცომი ძალიან თხელი უნდა იყოს...ყველა ფენას წაუსვით კარაქი  და გადაახვიეთ .შემდეგ გაჭერით შუაზე ეს ტრუბები დაახვიეთ სპირალივით...მოათავსეთ  ცხიმიან ფორმებში

დატოვეთ ასაფუებლად,სანამ არ გამორმაგდებიან.გამოაცხეთ წინასწარ გაცხელებულ ღუმელში,200° ზე 10წთ ,შემდეგ დაუწიეთ 180° ზე და დატოვეთ სანამ არ დაწითლდებიან...

ესეც კრუფინები...მოაყარეთ შაქრის პუდრი და მიირთვით თბილი...

Pane brioches-ფუმფულა პური...უმარტივესი და უგემრიელესი.შეგიძლიათ მიირთვათ როგორც საუზმეზე,გემრიელ პავიდლოსთან ერთად,ან შეგიძლიათ გაუკეთოთ ყველის,ლორის და კარტოფილის შიგთავსი.აუცილებლად უნდა სცადოთ ეს ჰაეროვანი პური და დამიჯერეთ ,ძალიან შეაყვარებთ ოჯახს..მე შემოგთავაზებთ კლასიკურ რეცეპტს,შიგთავსის გარეშე.


ინგრედიენტები ხაშისთვის:

170გრ ფქვილი
1ს/კ საფუარი
150მლ თბილი რძე

ინგრედიენტები ცომისთვის:
450 გრ ფქვილი
1 კვერცხის გული  და ერთი მთლიანი
20გრ შაქარი
10გრ მარილი
70მლ ზეთი
100მლ თბილი წყალი

წასასმელად:
1 კვერცხი და ცოტაოდენი რძე
მოაყარეთ სეზამის მარცვლები 

მომზადება:

პირველ რიგში მოვამზადოთ ხაში...ჩავყაროთ თასში ფქვილი საფუართან ერთად,დავასხათ რძე და მოვზილოთ ნაზი ცომი .შევფუთოთ და დაველოდოთ აფუებას....

თასში მოათავსეთ ხაში,დაამატეთ  დარჩენილი ფქვილი და დავიწყოთ მოზელა.

დავამატოთ ზეთი,შაქარი და კვერცხი და ნელა-ნელა ვამატოთ წყალი..ბოლოს ვამატებთ მარილს.

ცომი დაახ.10წთ ზილეთ,სანამ ცომი ელასტიური არ  გახდება..მიეცით ფორმა და დატოვეთ ასაფუებლად,სანამ არ გაორმაგდება..

ცომი მზადაა სამუშაოდ...

გადმოიღეთ მაგიდაზე და გაჭერით სამად..

მიეცით გრძელი ფორმა

გააკეთეთ ნაწნავი

მოათავსეთ ფორმაში,პერგამენტის ქაღალდზე.წაუსვით კვერცხი და მოაყარეთ სეზამი.დატოვეთ ფორმაში ასაფუებლად,სანამ არ გაორმაგდება.

მოათავსეთ წინასწარ გაცხელებულ ღუმელში,180° ზე დაახ.40წთ..

ესეც ჩვენი ბრიოში...ჰაეროვანი და უგემრიელესი...<3