სირთულე: რთული    მომზადება:60წთ     ცხობა:50წთ    დოზა:10 ადამიანი 

რადგან აღდგომა კარს მოგვდგომია,მინდა იტალიური პასკის,panettone-ს რეცეპტი გაგანდოთ.მართალია პანეტონს იტალიაში საშობაოთ ამზადებენ,მაგრამ ძალიან გავს ჩვენებურ პასკას და ძალიან მიყვარს.პანეტონის ისტორია სათავეს მილანიდან იღებს,მაგრამ დღესდღეობით მთელს იტალიაში დამკვიდრდა ტრადიციად.მომზადება არაა რთული,მაგრამ მოთმინებას საჭიროვებს,როგორც პასკა.თითქმის მთელი დღე უნდა იფუოს.როგორც ლეგენდა ყვება,პანეტონი სიყვარულმა შექმნა.ანუ ერთი კულინარი,შეყვარებული იყო თავისი უფროსის შვილზე და მისთვის გამოაცხო ტკბილი პური,რომელსაც შემდეგ პანეტონი ეწოდა.


                                                 ინგრედიენტები ე.წ. ხაშისთვის:

100გრ ფქვილი
60გრ თბილი რძე
2გრ საფუარი
1ს/კ თაფლი ან შაქარი

                                             ინგრედიენტები ცომისთვის(1.3კგ)

400გრ ფქვილი                                                                   160გრ შაქარი
4 დიდი კვერცხი და 3 კვერცხის გული                      40გრ ხილის მარმელადი
ერთი ლიმნის ცედრა                                                       ვანილი
120გრ ყურძნის ჩამიჩი                                                     2გრ საფუარი
5გრ მარილი

პირველ რიგში მოვამზადოთ ე.წ. ხაში.(1) ჩავყაროთ პატარა თასში ფქვილი,საფუარი და შაქარი(თაფლი)(2) დავამატოთ თბილი რძე (3)მოვზილოთ ცომი

(4) გააკეთეთ პატარა ბურთი(5) შეფუთეთ და დატოვეთ 1სთ გამორთულ,შუქანთებულ ჰაერღუმელში.შემდეგ გამოღეთ და შედეთ მაცივარში და დატოვეთ ერთი ღამე შიგნით(6)მომზადების წინ, 2სთ-ით ადრე გამოიღეთ.

(7)მოათავსეთ საზელ მანქანაში(შეგიძლიათ ხელით იმუშაოთ.შეურიეთ 200გრ ფქვილი,2გრ საფუარი,60გრ შაქარი(8)შეურიეთ ასევე 2 კვერცხი(9)მოზილეთ კარგად.სანამ არ მიიღებთ ელასტიურ ცომს.

(10)აურიეთ 60გრ კარაქი,ნელა-ნელა,პატარ-პატარა ნაჭრეები(11)როცა კარგად გაიხსნება კარაქი და ცომი ისევ ელასტიური გახდება ამოიღეთ თასიდან(12) მიეცით ფორმა 

(13)შეფუთეთ და დატოვეთ ასაფუებლად ,დაახ.2 საათი გამორთულ,შუქანთებულ ჰაერღუმელში.შემდეგ გადაიტანეთ მაცივარში და დატოვეთ მთელი ღამე.გამოიღეთ ორი საათით ადრე მომზადებამდე.(14)ამასობაში დაასველეთ ყურძნის ჩამიჩი წყალში.(15)გახეხეთ ერთი ლიმნის ცედრა და დაჭერით ხმელი ხილი.

(16)დაჭერით ასევე ფორთოხლის ცედრა პაწია კუბიკებად.(17)დავუბრუნდეთ ცომს(18)მოვათავსოთ მანქანაში(დავიწყოთ ხელით მუშაობა.(18)შევურიოთ ვანილი

(19) დავამატოთ დარჩენილი ფქვილი(20)საბოლოო 2 კვერცხი და 3 კვერცხის გული (21)მოვზილოთ კარგად.ავურიოთ ასევე ლიმნის ცედრა

(22)დარჩენილი შაქარი(23)დარჩენილი კარაქი პატარ-პატარა ნაჭრეები და მარილი(24)როცა ცომი ელასტიური გახდება დაამატეთ დაჭრილი ხმელი ხილი

(25)ხილის ჟელატინი (26)გარეცხილი და კარგად გაწურული ქიშმიში.ბოლოს ეს ყველაპერი კარგად მოზილეთ,ისე რომ ყველაპერი კარგად განაწილდეს ცომში (27)ამოიღეთ ცომი,ფორმა მიეცით და შეფუთეთ.დატოვეთ 2 საათი გამორთულ ,შუქანთებულ ჰაერღუმელში 

(28) როცა ცომი გაორმაგდება,ამოიღეთ და მაგიდაზე გააბრტყელეთ ხელის დახმარებით.

(31)დაკეცეთ ცომი,რამოდენიმე ნაწილად და გადმოაბრუნეთ (32) მოათავსეთ ფორმაში(თუ გსურთ რამოდენიმე გააკეთოთ,მოათავსეთ პატარა ფორმებში) (33)ცხიმწასმულ ფორმაში დატოვეთ ასაფუებლად ისევ ჰაერღუმელში.

(34) შემდეგ მოხსენით ცელოფანი და დატოვეთ 15 წუთი,რადგან ზედაპირი შეუმაგრდეს.(35)დასერეთ პანეტონი,წაუსვით 10გრ კარაქი(35) გამოაცხეთ 200° ზე 10-15 წუთი.მოათავსეთ ასევე პაწია თასით წყალი.ცხობის დროს სირბილისთვის და ტენიანობისთვის.შემდეგი 15 წუთი 190° ზე .თუ შეატყობთ რომ მაღალია 180° მდე დაიყვანეთ.ჯამში 50 წუთი ჭირდება გამოსაცხობად.როცა 10 წუთი დარჩება გამოცხობამდე,გამოღეთ წყლის თასი.(36) როცა გამოცხვება,გააცივეთ და მიირთვით როგორც კრემიანი,ასევე კრემის გარეშე.

                                                         შენახვა:

სახლში გამომცხვარი პანეტონი,.დიდხანს ვერ ძლებს.დაახ.2-3 დღე.თუ შენახვა გსურთ,შეინახეთ საყინულეში მანამ,სანამ გამოაცხობთ.

                                                  რჩევები:

თუ გსურთ შეამციროთ დრო,მაშინ ცომი დაასვენეთ მაცივარში,5-6 საათით. გემრიელად მიირთვით

Zeppole calabresi -კალაბრიული ძეპოლები კარტოფილით,რომელსაც მთელ კალაბრიის რეგიონში ამზადებენ საშობაოდ.არის როგორც ტკბილი,ასევე მარილიანი.კალაბრიელები ეძახიან "Zippulle"  მოდის ძველი რომაული "Zippula" დან,რომელიც გაფუებული ცომით და თაფლით მზადდებოდა.კიდევ ერთი მარტივი და სწრაფი რეცეპტი ჩემგან..


                                          ინგრედიენტები:
1კგ ფქვილი
500გრ მოხარშული და გატარებული  კარტოფილი
25გრ მზა საფუარი ან 2ს/კ მშრალი საფუარი
საახ.1ლ თბილი წყალი
40გრ მარილი
                                           შესაკაზმად:

გულში ჩასადებად შეგიძლიათ გამოიყენოთ,როგორც შებოლილი ლორის ნაჭრეები,ასევე პომიდორი,თევზი,მოცარელა და ცხვრის ყველი.მე ცხვრის ყველს გირჩევთ.

შეწვით მზესუმზირის ზეთში.


მომზადება:
გარეცხეთ კარტოფილი და მოხარშეთ კარგად,თავის კანიანად.გაფრცქვენით თბილი,გაატარეთ და დაელოდეთ გაციებას.
სანამ კარტოფილი ცივდება,თბილ წყალში გახსენით  მარილი და ცოტაოდენ წყალში საფუარი,1ჩ/კ შაქრით,შემდეგ კი შეაზავეთ მარილიან წყალში.როცა წყალში კარგად გაიხსნება მარილი და საფუარი.შეგიძლიათ ცომის მოზელა დაიწყოთ.
ვიღებთ 300გრ ფქვილს და ვზელთ წყალთან ერთად.ამ ეტაპზე ვამატებთ კარტოფილს შემდეგ კი დანარჩენ ფქვილს და ენერგიულად მოვზელთ მანამ ,სანამ არ მივიღებთ ელასტიურ ცომს.
ცომი იქნება საკმაოდ თხელი.
მიეცით ფორმა,მოათავსეთ სხვა თასში და შეფუთეთ.კარტოფილი თუ თბილი იქნება,მაშინ ასაფუებლად 1 საათი თუ არა და 2-3 საათი. 
ჩაასხით ზეთი ქვაბში და გააცხელეთ 180° .არ უნდა იყოს ძალიან მაღალ ცეცხლზე,ასე დაწვავთ.მერე კოვზით ამოიღებთ და ჩაუშვებთ ცხელ ზეთში და დააბრუნებთ შიგ რომ ფორმა მიიღოს.შეწვით,სანამ არ შეწითლდება
თუ შიგთავსით გსურთ,მაშინ ამოიღებთ ცომს კოვზით,დაადებთ ყველის ნატეხს და ხელის დახმარებით გადააფარებთ ცომს ზემოდან.შემდეგ კი ჩააგდებთ ზეთში.

გემრიელად მიირთვით <3

Zeppole salate napoletane-ნაპოლიტანური ძეპოლები.გაფუებული ცომის ბურთები.ნეაპოლიის ქუჩებში დიდი მოთხოვნით სარგებლობს.შეგიძლიათ შეაზავოთ როგორც მოხარშული კარტოფილით კალაბრიულად,ასევე პულიური რეცეპტით,ზეთის ხილით.ასევე ოხრახუშით და სხვადასხვა მწვანილეულით,ან უბრალოდ კლასიკურად, ყველაფრის გარეშე.

                                                    ინგრედიენტები:
       300გრ ფქვილი
     290გრ წყალი
  5-8გრ მზა საფუარი,ან  1ს/კ საფუარი  ჩვეულებრივი
მარილი 10გრ
მზესუმზირის ზეთი  შესაწვავად

მომზადება:
წყალში გავხსნით საფუარს და მარილს შემდეგ კი ნელა ნელა დავამატებთ ფქვილს.მივიღებთ თხელ მასას.

დავასვენებთ 1 საათი,სანამ კარგად არ ამოფუვდება.შემდეგ კი თუ გვსურს შევკაზმოთ,შეგვიძლია დაჭრილი ოხრახუში ავურიოთ,ან ბაზილიკო,ან მოხარშული და გაწურული ისპანახი.შემდეგ კი შევწვავთ ზეთში

ვიღებთ სუფრის კოვზით და ვასხავთ ზეთში,მერე კი ვაბრუნებთ შიგ რომ მრგვალი ფორმა მიიღოს.

იგივე რეცეპტით შეგიძლიათ შეწვათ გოგრის ყვავილები,რომელიც ძალიან პოპულარულია იტალიაში.

ამ ცომს გაამზადებთ,შემდეგ ყვავილს ამოაცლით ბუტკოს,ძალიან  ფრთხილად და ან ყველს ჩაუდებთ შიგნით,ან ხაჭოს და თავებს გადაუგრეხავთ.

შემდეგ კი მზა ცომში ამოავლებთ და ცხელ ზეთში ჩაყრით

მე პირადად ძალიან მიყვარს გოგრის ყვავილი,როგორც შემწვარი,ასევე პიცაში,ნაღებ მოსხმული...გემრიელად მიირთვით <3

PIZZELLE FRITTE-პატარა შემწვარი პიცები.ნაპოლიტანური რეცეპტი,მათთვის ვისაც უყვარს შემწვარი საკვები.პიცისგან იმით განსხვავდება,რომ ზეთში წვავთ.შეგიძლიათ შეაზავოთ როგორც პომიდვრის სოუსით და გახეხილი ყველით,ასევე შებოლილი ლორით და ცოცხალი ბოსტნეულით.ნეაპოლის ქუჩები სავსეა ამ ტიპის საცხობებით,სადაც შემწვარ ცომზე მუშაობენ.ისტორია კი პირდაპირ კავშირშია ნეაპოლთან.პიცელები განკუთვნილი იყო ღარიბი უბნებისთვის,რომელსაც ნაპოლიტანელები ეძახდნენ "a ogge a otte" -" la mangio oggi e la pago tra otto" ნიშნავს " დღეს შევჭამ და 8 დღის მერე გადავიხდი",რადგან კრედიტით ჭამდნენ და 8 დღეში ფარავდნენ...შეუძლებელია ნეაპოლში მოხვდეთ და მხარი აუქციოთ ამ საცხობებს,სადაც ფუმფულა,ახალ ცომებს წვავენ,ათასნაირად...მე ვეცდები ბევრნაირი რეცეპტი შემოგთავაზოთ,ამ კუთხით,იმიტომ რომ ჩემი საყვარელი საკვებია,მიუხედავად იმისა რომ ასუქებს....))))

                                                12 პატარა პიცის დასამზადებლად:

1ჩ.კ შაქარი                                 500გრ ფქვილი
10გრ საფუარი                          20მლ ზეთი
300მლ წყალი                            10გრ მარილი


                                                 პომიდვრის სალსის მოსამზადებლად:

1 საშუალო ხახვი
1 კბილი ნიორი
1 ქილა დაკუწული პომიდორი
1ს.კ ქონდარი
ბაზილიკო ან მწვანე რეჰანი
მარილი გემოვნებით
ზეთი გემოვნებით
გახეხილი ყველი გემოვნებით


შესაწველად მზესუმზირის ზეთი

(1)ცომის მოსამზადებლად ჩაასხით წყალი ჯამში და შეაზავეთ მარილით(2)ნელა ნელა გახსენით ზეთი წყალში (3) მეორე თასში ჩაყარეთ ფქვილი და დაასხით ცოტაოდენ წყალში გახსნილი საფუარი და შაქარი.შემდეგ კი აურიეთ ზეთიანი წყალი.

(4) დაიწყეთ ცომის დამუშავება ხელით .წყალი ნელა-ნელა გახსენით ფქვილში.(5) იმუშავეთ მანამ,სანამ ცომი არ გახდება რბილი და ელასტიური (6)მიეცით ბურთის ფორმა, მოათავსეთ  გაფქვილულ ჯამში და  შეფუთეთ.მოათავსეთ  გამორთულ ჰაერღუმელში,სახლის ტემპერატურისგან შორს.დაელოდეთ სანამ ცომი არ გამორმაგდება

გადავიდეთ სალსის მომზადებაზე,რომელიც პიცელების გასაფორმებლად დაგჭირდებათ.(7-8-9) ზეთში ჩაყარეთ წვრილად დაჭრილი ნიორი და ხახვი და შემდეგ აურიეთ პომიდორი.

(10)დატოვეთ დაბალ ცეცხლზე დაახ.20 წუთი,ბოლოს კი დაამატეთ ქონდარი და მარილი.(11-12) ცომი გამოღეთ  და დაჭერით 12 ნაწილად,დაახ.60გრ-იანი ნაჭრეები.

 (13) იმუშავეთ სათითაო ნაჭერზე.მიეცით ბურთის ფორმა(14) მოათავსეთ პერგამენტის ქაღალდზე ერთმანეთის მოშორებით და გადააფარეთ ცელოფანი.დაასვენეთ 1 საათი,რომ გაორმაგდნენ.(15)შემდეგ კი ისე  გაწელეთ ცომი.შუაგული უნდა ქონდეს თხელი,ნაპირებთან შედარებით,რომ პატარა ჩაღრმავება გაკეთდეს შეწვის დროს.

  (16).ზეთი გააცხელეთ 180° ზე  (17)არ უნდა დააბრაწოთ.ძალიან ნაზად უნდა იყოს შემწვარი.(18)როგორც კი შეყვითლდება ამოყრით და გაშლით ქაღალდზე,რომ  დაკარგოს ზედმეტი ცხიმი.

(19-20-21) პიცელები მზადაა შესაკაზმად.პირველი პომიდვრის სოუსი,შემდეგ გახეხილი ყველი და ერთი ფოთოლი ბაზილიკო,ან რეჰანი. მიირთვით ცხელი.

                                                      შენახვა:

რჩევაა შეჭამოთ სულ,მაგრამ თუ შენახვა გსურთ,შეინახეთ ბურთები,სანამ ბოლოჯერ ააფუებთ.

      

დღეს სიყვარულის დღეა.ყველას გილოცავთ და გთავაზობთ უგემრიელესი ნამცხვრის რეცეპტს.

სირთულე:საშუალო      მომზადება:150წთ     ხარშვა:40წთ    რაოდენობა:22

babà(ბაბა) ისტორია სათავეს პოლონეთიდან იღებს.საცხობი,რომელიც ლუიჯი 15 ფრანგის სიმამრს სტანისლავ ლესტუინსკის ეკუთვნოდა,იმ მიზეზით რომ მას არ მოსწონდა gugelhupf-ის მშრალი გემო,ცხობისას ღვინო(tokaj) და ხილის სიროფი გამოიყენა დასარბილებლად.შემდეგ სტანისლავის შვილმა,მარიამ გახსნა საცხობი საფრანგეთში,სადაც ბაბამ დიდი პოპულარობა მოიპოვა.

პარტენოპეული(ნაპოლიტანური) ჩანაწერებიდან კი ბაბას ისტორია ნეაპოლში,1836 წლიდან იღებს სათავეს,ყურძნის ჩამიჩითა და ზაფრანით.

დროთა განმავლობაში დაიხვეწა რეცეპტი და დღესდღეობით მუშავდება როგორც ვანილის კრემით,ნაღებით,ასევე ალუბლის სიროფით და ნაყინით.

 ინგრედიენტები:
 600გრ ფქვილი
 30გრ შაქარი
 200გრ დარბილებული კარაქი
 12 საშუალო ზომის ცივი კვერცხი
 12.5გრ  საფუარი( უნდა გახსნათ წინასწარ ცოტაოდენ შაქართან და წყალთან ერთად)
 10გრ მარილი
 25გრ წყალი

ინგრედიენტები დასანამად:

2ლ წყალი
შაქარი 800გრ
ლიმნის ცედრა 20გრ
ფორთოხლის ცედრა 40გრ
რომი 400მლ

გარედან წასასმელად: 400გრ გარგრის სიროფი.

(1)ბაბას მოსამზადებლად,პირველ რიგში ვამუშავებთ საფუარს.თუ უკვე მზა საფუარი არ გვაქვს,ე.წ. ლუდის საფუარი,მაშინ გავხსნათ 25გრ წყალში(2)დავუმატოთ  ცოტაოდენი შაქარი.შეაზილეთ ცოტაოდენი ფქვილი,რომ მიიღოთ თხელი ცომის მასა.(3) დაამუშავეთ კარგად .

 (4) შეფუთეთ მასა და გააჩერეთ 30წთ ასაფუებლად.(5) ცომი გაორმაგდება (6)დარჩენილი ფქვილი,რომელიც მაცივარში გექნებათ ცივი,გამოღეთ და მოამზადეთ სამუშაოთ.პირველ რიგში აურევთ მზა საფუარს (ხაში) (მუშაობა ხელითაც შეგიძლიათ თუ არ გაქვთ საზელი მოწყობილობა)

(7) გატეხეთ კვერცხები და კარგად გათქვიფეთ.(კვერცხი მაცივრის უნდა იყოს,ცივი)

(8)შეაზავეთ ნელა-ნელა ფქვილთან ერთად.(9)მერე აურევთ შაქარს და იქამდე ვზელთ სანამ ცომი არ მოსძვრება თასს,უნდა იყოს ელასტიური.(თუ ხელით ვაკეთებთ იმით მივხვდებით რომ ცომი აღარ დაგვეკვრება ხელზე.)

(10)ამ ეტაპზე მანქანას ვხსნით სათქვეფს და ვუყენებთ საზელს(ხელით ჩვეულებრივ ვაგრძელებთ მუშაობას)(11) დავჭრით კარაქს და ნელა-ნელა ვურევთ.ყველა შერევაზე კარგად ვხსნით ცომში და შემდეგ ისე ვამატებთ ახალ ნაჭრებს.ცომზე დაახლოვებით 25-30  წთ მოგიწევთ მუშაობა.უნდა მიიღოთ ელასტიური და ნაზი ცომი.(12) შემდეგ ვაფარებთ ცელოფანს და ვდებთ გამორთულ ,შუქანთებულ ჰაერღუმელში  3 საათით.

(13)სანამ ცომი ფუვდება,მოვამზადოთ ლიმნის და ფორთოხლის სიროფი.გავფრცქვნათ ლიმონი და ფორთოხალი (14) ჩავასხათ წყალი ქვაბში,ავურიოთ შაქარი (15) და ბოლოს ცედრა.წყალი რომ ადუღდება და შაქარი გალღვება გამორთეთ .

 (16) ნელა-ნელა ვამატებთ რომს,რომ არ აორთქლდეს.(17)შევფუთავთ ცელოფნით და დავაცდით რომ კარგად შეზავდეს.(18)ამასობაში გავათხელებთ გარგრის მურაბას,ცედრის ცოტაოდენი ნახარშით.მასა უნდა მიიღოთ არც თხელი და არც სქელი.ცედრის ნახარში გვჭირდება ბაბას დასანამად და სულ არ გამოიყენოთ. 

(19)ცომი მზადაა გამოსაყვანად.(20) კარგად გავაცხიმიანებთ კარაქით ფორმებს.პატარა ჭიქები უნდა იყოს ალუმინის.თუ ვერ ვნახავთ ასეთ ფორმებს ,მაშინ ეცადეთ ცოტა მაღალი ფორმები იყოს,მთავარია გემო)) (21) ცომს გადავზელთ ხელით

(22)ვიღებთ ცომის მასას ხელით(23)მუჭს ვკრავთ და ცერა თითსა და საჩვენებელს შორის ამოსულ ცომის მასას ვდებთ ფორმაში.ცომი დაახ.65-70 გრ უნდა იყოს.ისე რომ გავანაწილოთ 22 ფორმაში.

(25)დატოვეთ ფორმები გასაფუებლად ისევ შუქანთებულ ჰაერღუმელში(26)სანამ ცომი არ ამოვა მაღლამდე.(27) შემდეგ კი გამოაცხობთ 180° 30 წუთი.სანამ კარგად არ შეფერადდება.გამოღებთ და გააცივებთ.მერე ამოიღებთ ფორმებიდან.

(28)როცა ბაბა კარგად გაცივდება,გაათბეთ ცედრის ნახარში (40-45°) და ძალიან ნაზად აბრუნეთ შიგ.(30) შემდეგ ამოიღეთ და ძალიან ფრთხილად გამოწურეთ ოდნავ.

(31) დაყარეთ საწურზე რომ ზედმეტი სიროფი გამოუვიდეს (32) შემდეგ კი წაუსმევთ გაგრის სიროფს.(33) ჩააწყვეთ დახურულ კონტეინერში და შედეთ მაცივარში,თუ ეგრევე არ გადასანსლავთ..))))

 (34)დაგემოვნებისას ცოტა რომს დაასხავთ.(35) შეგიძლიათ ასევე კრემით,ან ნაღებით ამოავსოთ.ან ნაყინით და ხილით.

                                                           შენახვის პირობები

შენახვა შეგიძლიათ როგორც დანამული ,ასევე დასანამი.ჩემი რჩევაა გამომცხვარი შეინახოთ და შემდეგ ჩაყაროთ ცედრის ნახარშში.გამომცხვარი ბაბა 1 კვირა ძლებს მაცივარში,ხოლო საყინულეში 60 დღე.ხოლო ნახარში შეგიძლიათ  დახუფული შეინახოთ მაცივარში,ერთი თვე.

                                                                      რჩევები

აუცილებლად იქონიეთ ფქვილი და კვერცხი მაცივარში გამოცხობამდე,მინიმუმ 2 საათი და მხოლოდ ხმარების დროს გამოიღეთ.ბაბა ასევე კარგია ლიმნის ლიქიორით (limoncello)რომლის რეცეპტსაც შემოგთავაზებთ მოგვიანებით.და კიდევ ბაბა ხელით იჭმევა,არანაირი ჩანგალი...

გემრიელად მიირთვით.....<3

orecchiette(ორეკიეტტე)..ნიშნავს ყურებს.ძალიან მნიშვნელოვანი მაკარონის ფორმა,რომელიც ეკუთვნის პულიის რეგიონს.ისტორიული წყაროებიდან ორეკიეტტე ,როგორც მაკარონის ფორმა,მოდის ძველი რომაული მაკარონის "lixulae" დან,მაგრამ როგორც ბარის წმინდა ნიკოლოზის ეკლესიის ჩანაწერებიდან ირკვევა,დაახლოვებით ჩვენი წელთაღრიცხვით 1500 წელს ,ვინმე მეწარმის ანდერძი,რომელიც შვილს უტოვებდა თავის საცხობს და ორეკიეტტების რეცეპტს.ფორმა ძალიან მარტივი.გული უფრო თხელი,ნაპირებთან შედარებით და სიდიდე დაახ.3/4 დიამეტრი როგორც თითის ბალიშის.ფორმას როგორც დანის საშუალებით,ასევე ცერა თითის დაჭერითაც აძლევენ. ესაა ყველაზე გემრიელი მაკარონი რომელიც მზადდება ხორბლის ფქვილით.


ინგრედიენტები:
200გრ ხორბლის ფქვილი (semola di grano duro)
100გრ წყალი
ცოტაოდენი მარილი
1ს/კ ზეითუნის ზეთი
შეგახსენებთ რომ ყოველ 100გრ ფქვილზე 50გრ წყალი,ანუ ნახევარი და 100გრ არის ერთი პორცია.

(2)დავყრით ფქვილს  მაგიდაზე და ნელა-ნელა ავურევთ წყალს.(3) როცა შევაზელთ წყლის მასას,გავაგრძელებთ ორივე ხელით მუშაობას.

(4)დავამატებთ ზეთს (5) შემდეგ კი ვიმუშავებთ ცომზე სანამ არ მივიღებთ ელასტიურ მასას.(6)ცომი არ უნდა ეკვრებოდეს ხელზე და არც მაგიდაზე,ზედაპირი კი პრიალა უნდა ქონდეს.

(7) ცომს გავახვევთ ცელოფანში და დავასვენებთ მაცივარში სულ ცოტა 30 წუთი.(8)ცომს დავჭრით რამოდენიმე საწილად და ხელის ჰორიზონტალური მოძრაობით მივცემთ წვრილი მილის ფორმას .(9)დავჭრით დაახ.1სმ დიამეტრის კუბებს.

(10)დანის ან ცერა თითის დახმარებით ცომს ჩაღრმავებებს გავუკეთებთ.დანას ჩამოუსმევთ ცომს,(11) შემდეგ გადმოაბრუნებ ცომს და მიიღებს ყურის ფორმას(12)

(13) ისე გავშალოთ ,რომ ერთმანეთზე არ დაეწებნენ.(14)მოვაყაროთ ფქვილი თუ მომზადებას ვაპირებთ,თუ არადა დავტოვოთ ასე გასაშრობად.(15) ჩავყაროთ მდუღარე მარილიან წყალში  7-8 წუთით.

(16)შეგიძლიათ ორეკიეტტები გაყინოთ სათითაო(17) შემდეგ მოათავსოთ სპეციალურ ცელოფანში (18)შეინახოთ 2 თვის მანძილზე.

ახლა კი გვაქვს ორეკიეტტები და როგორ უნდა მოვამზადოთ?

ყველაზე გავრცელებული სახეობა არის "orecchiette con le cime di rapa" ესაა ერთერთი მხლის  მეტად გავრცელებული სახეობაა იტალიაში .მაგრამ უბრალო ,პომიდვრის სოუსით და პარმეჯანით,ან ბროკოლით და კუპატით ,ან უბრალო ღორის რაგუთიც ძალიან გემრიელია...buon appetito <3