Grissini-იტალიურ რესტორნებში ყველაზე მეტად გრისინები მიყვარს,რომლის მომზადებაც ძალიან მარტივია.შემოგთავაზებთ გრისინებს ფენოვანი ცომით.შიგთავსი თავად აარჩიეთ.ეს იქნება სხვადასხვა ბოსტნეულის სოუსი,პესტო,ლორი,ქათამი,კაკალი,პისტაკი და ა.შ..

ინგრედიენტები:

ფენოვანი ცომი (რეცეპტი იხილეთ  აქ )

50გრ ხმელი პომიდვრის პესტო,ან უბრალოდ ტომატპასტა

30გრ დაფერფლილი პისტაკი (შეგიძლიათ ცადოთ თხილი ან მიწისთხილიც)

1 კვერცხის გული და ცოტაოდენი რძე

მომზადება:

გაბრტყელებულ ფენოვან ცომზე,ნახევარზე წაუსვით პესტო და დააფარეთ სუფთა მხარე.დაჭერით დაახ.2.5სმ სიგანისები,გრძლად.წაუსვით რძეში გახსნილი კვერცხის გული,მოაყარეთ პისტაკი და გააკეთეთ სპირალები

ამ პრინციპით.მოათავსეთ პერგამენტის ქაღალდზე და გამოაცხეთ წინასწარ გაცხელებულ ღუმელში,180° ზე დაახ.15წთ...

ეს კი პარმიჯანოთი,ძეხვით და  პესტოთია...(პესტოს რეცეპტი აქ )

იგივე მეთოდით .გაბრტყელებულ ფენოვან ცომზე,ნახევარს წაუსმევთ პესტოს,დაალაგებთ თხლად დაჭრილ ძეხვს,დააფარებთ მეორე ნაწილს ზემოდან,დაჭრით დაახ.2,5სმ სიგანეზე,წაუსმევთ რძეში გახსნილ კვერცხის გულს და მოაყრით პარმიჯანოს.გააკეთებთ სპირალებს და გამოაცხობთ  წინასწარ გაცხელებულ ღუმელში 180° ზე 15წთ...

ხრამუნა და გემრიელი გრისინები თქვენი საყვარელი შვილებისთვის <3

მოიწონეთ გვერდი facebook page  მადლობა