სირთულე:საშუალო    მომზადება:40წთ   ცხობა:60წთ

ეს კი დიეტური ნაწნავი.რომელიც იმით გამოირჩევა,რომ გამოიყენება ფქვილის სხვადასხვა ტიპები და მარცვლეულის ასორტი.ძალიან არომატული და დიეტური პური,რომელიც ძალიან შეგიყვარდებათ.გემრიელია როგორც თანხლებით ასევე ყველაფრის გარეშე.ასე რომ გააოცეთ თქვენი მეგობრები ამ არაჩვეულებრივი რეცეპტით.

ინგრედიენტები:

თეთრი ფქვილი 250გრ

შავი ფქვილი 100გრ

ქერის ფქვილი 50გრ

320გრ თბილი წყალი

12გრ საფუარი

10გრ მარილი

30გრ ნიგოზი

70გრ მზესუმზირის,გოგრის,ყაყაჩოს,სეზამის გამორჩეული თესლი

(1)პირველ რიგში კარგად აურიეთ ფქვილის ტიპები.(2)დაამატეთ საფუარი(3) შეურიეთ თბილ წყალში მარილი

(4) გახსენით ნელა-ნელა წყალი ფქვილში(5) იმუშავეთ კარგად და სწრაფად.შეგიძლიათ დაამატოთ ცოტაოდენი ზეთი.(6)როდესაც ცომი ელასტიური გახდება ,გადააკარით ცელოფანი და დატოვეთ ასაფუებლად გამორთულ ღუმელში,შუქის გარეშე

(7) 1სთ ის შემდეგ გაორმაგდება ცომი (8) გადმოიღეთ ცომი სამუშაო მაგიდაზე, გაწელეთ და გადმოკეცეთ ზემოდან.გაიმეორეთ 10ჯერ.მიეცით ფორმა და ისევ 

დატოვეთ გამორთულ ღუმელში 1 საათი,(9) ამასობაში მოამზადეთ შიგთავსი.აურიეთ მარცვლეული და დააქუცმაცეთ.

(10) გადმოიღეთ გაფუებული ცომი სამუშაო მაგიდაზე.ცოტა კიდევ იმუშავეთ გასამკვრივებლად(12)დაჭერით სამ თანაბარ ნაწილად

(13) გააბრტყელეთ ხელით კარგად(14-15)დაყარეთ ზედ გამზადებული მარცვლეული და გადაახვიეთ სიგრძეზე

(16)გააკეთეთ ნაწნავი(17) ამ ინსტრუქციით დაგრიხეთ(18) ესეც ჩვენი ნაწნავი

(19)დატოვეთ ნაწნავი ცელოფანგადაკრული ისევ გამორთულ ღუმელში,ერთი საათით(20)მოაყარეთ დარჩენილი შიგთავსი მაღლიდან და გამოაცხეთ 250° ზე 20წთ,წყლის პატარა თასით ქვეშ.შემდეგ გამოიღეთ წყლის თასი ,დაუწიეთ 180°ზე და დატოვეთ  კიდევ 40წთ.(21) ნაწნავი მზადაა.გირჩევთ ცივი მიირთვათ,მაგრამ ცხელიც უგემრიელესია.

შენახვა: შეინახეთ 2 დღე ცელოფანში ან გაყინეთ გამოცხობამდე.გაალღვეთ 12სთ-ით ადრე გამოცხობამდე.

გემრიელად მიირთვით...